Tað er ikki uttan orsøk, at FH hálaði Gunnar Nielsen heim frá Nations League dystunum, tí liðið hevur vunnið seg víðari í steypakappingini, og í kvøld vunnið ein týðandi sigur á Breiðabliki í heiðursmerkjastríðnum.
Tað var bretski Steven Lennon, sum legði FH á odda á Kaplakrikavöllinum í Hafnarfirði eftir 34 minuttir, men beint fyri hálvleik javnaði Viktor Karl Einarsson fyri gestirnar úr Breiðabliki.
Í seinna hálvleiki skoraði Steven Lennon aftur, áðrenn Atli Guðnason setti punktum við máli til 3-1. Við sigrinum hevur FH 23 stig fyri 12 dystir á fjórða plássi, meðan Breiðabliki verður standandi á triðja plássi við somuleiðis 23 stigum. Síðani er Stjarnan á øðrum plássi við 24 stigum fyri 12 dystir.
Valur, við Heimi Guðjónsson sum venjara og føroysku Kaj Leo í Bartalsstovu og Magnusi Egilssyni í hópinum, er greitt oddalið við 29 stigum fyri 13 dystir.
HER ber til at síggja málini frá dystinum:
<iframe width="752" height="423" src="https://www.visir.is/player/cd60d5af-8a82-423d-9915-b84846812e26-1600026725299" frameborder="0" scrolling="no" seamless="seamless" allowfullscreen></iframe>
Stigatalvan (mbl.is):
| 1 | Valur | 13 | 9 | 2 | 2 | 28:12 | 29 |
| 2 | Stjarnan | 12 | 6 | 6 | 0 | 20:10 | 24 |
| 3 | Breiðablik | 13 | 7 | 2 | 4 | 29:21 | 23 |
| 4 | FH | 12 | 7 | 2 | 3 | 25:17 | 23 |
| 5 | Fylkir | 14 | 7 | 1 | 6 | 21:20 | 22 |
| 6 | KR | 12 | 6 | 2 | 4 | 23:17 | 20 |
| 7 | HK | 14 | 5 | 2 | 7 | 24:30 | 17 |
| 8 | Víkingur R. | 12 | 3 | 6 | 3 | 19:18 | 15 |
| 9 | ÍA | 13 | 4 | 2 | 7 | 29:32 | 14 |
| 10 | KA | 13 | 2 | 8 | 3 | 11:14 | 14 |
| 11 | Grótta | 13 | 1 | 3 | 9 | 10:27 | 6 |
| 12 | Fjölnir | 13 | 0 | 4 | 9 | 11:32 | 4 |
