Kaj Leo í Bartalsstovu spældi allan dystin í álopinum hjá íslendska meistaraliðnum, Vali, ið tapti 0-4 móti bulgarska meistaraliðnum, Ludogorets á útivølli í kvøld.
Fyrri dysturin í Europa League undankappingini í Reykjavík endaði við javnleiki 1-1, og vann Ludogorets sostatt 5-1 samanlagt.
Valur hevði bestu løtuna allarfyrstu minuttirnar, tá teir høvdu góðar royndir á málið hjá Ludogorets, men í sjeynda minutti gera teir sjálvmál í verjuni, og tá Ludogorets økti til 2-0 um hálvan fyrra hálvleik var talan um bratta mótbrekku hjá Vali.
Móti dystarenda staðfesti heimaliðið sigurin við tveimum málum aftrat. Við føroyskum landsliðsbrillum kunnu vit tó fegnast um, at Kaj Leo í Bartalsstovu aftur fekk høvið at royna seg frá dystarbyrjan.
Her ber til at síggja hæddarpunktini frá dystinum millum Ludogorets og Val:
##med2##
