Gunnar Vatnhamar spældi allan dystin, tá hann og liðfelagarnir í Víkinga Reykjavík aftaná langa ferð spældu dyst á útivølli móti Vestra á Ísafirði.
Tað var vert ferðina, tí Víkingur vann dystin 1-0 við máli, ið Viktor Örlygur Andrason skoraði í 28. minutti.
Víkingur hevði væl meira málroyndir enn Vestri, og vann tí ein uppibornan sigur.
Víkingur er fremst í deildini við 20 stigum fyri níggju dystir.
Komandi sunnukvøld klokkan 20.15 spælir Víkingur aftur toppdyst. Tá var talan um dyst á útivølli móti Breiðablik.
