Tað er Hervør Pálsdóttir, tingkvinna fyri Tjóðveldi, sum vil hava landsstýrismannin í fiskivinnu- og samferðslumálum at greiða frá um oljudákling á landsvegunum.
Ítøkiliga spyr hon soleiðis í einum gren 52a fyrispurningi til landsstýrismannin:
1. Hvørjar avleiðingar fær slík oljudálking fyri tey, sum eru orsøk til dálkingina?
2. Hvat verður gjørt fyri at fyribyrgja, at olja lekur á landsveg?
Í viðmerking til fyrispurningin vísir hon á fleiri støðu seinastu mánaðirnar, har ferðsla er tarnað orsakað av oljudálking á landsvegum, og har Landsverk skal vaska upp eftir oljudálkingina.
– Hesin spurningurin verður settur fyri at vita, um nakað verður gjørt fyri at fyribyrgja oljudálking á landsvegum, umframt um tað hevur nakrar avleiðingar fyri tey, ið eru orsøk til dálkingina, sigur Hervør Pálsdóttir.
Landsstýrismaðurin hevur tvær vikur at svara spurninginum.
