Sosialurin.fo

Vindur og lýðka á jólum

Eitt djúpt lágtrýst við landsynningspartin av Grønlandi ferðast í ein landnyrðing og dýpist nakað, og ein tilhoyrandi kuldabrúgv við regni og vindi fór framvið Føroyum hósdagin. Fríggjadagin fer ein hátrýstsryggur framvið Føroyum, men seint seinnapartin fer eitt nýtt lágtrýst við landsynningspartin av Grønlandi at senda lýggja og slavna luft higar av suðri og útsynningi. Teir komandi dagarnar fara lágstrýst við Eysturgrønland at senda lýggja luft av útsynningi, í øllum førum fram til jóladag. Samstundis liggur eitt hátrýst yvir Onglandi stilt.

Veðrið ídag
Hann minkar vindin til 5 til 10 m/s av vestri. Skiftandi skýloft við ælaveðri. Hitin um 6 stig. Um náttina veksur hann vindin nakað til 13 til 18 m/s. Tað verður yvirskýggjað við regni av og á, og hitin fer upp í 10 stig!

Veðrið tollaksmessudag
Útsynningur, 13 til 18 m/s, og yvirskýggjað við regnælingi. Seinnapartin minkar hann vindin til 10 til 15 m/s av útsynningi og vestri. Hann klárar í, kortini við ælaveðri. Hitin um 8 stig.

Veðrið um jólahøgtíðina
Hann veksur vindin av útsynningi, 13 til 18 m/s og ælaveður, men seinnapartin jólaaftan verður yvirskýggjað við regni. Jóladag snarar hann í ein vestan og hann minkar vindin nakað, 8 til 13 m/s. Hann klárar í, men kortini verður ælaveður. Hitin verður millum 5 og 8 stig.

Mest lisið

Myndir frá ólavsøku

Fleiri frítíðarbátar kolaðust upp í Noregi

Hví spyrt tú ikki á føroyskum?

Telefonin hjá løgregluni kimaði í alla nátt

Koyrdi ávirkaður í traktori og koppaði