Vit hava spurt nøkur fólk, hvørjar bøkur tey lesa, um tey ynskja sær bøkur í jólagávu, og um tey hava nakra meining um dygdina í føroyskum bókum.
Lesur tú nógv, føroyskt ella útlendskt?
- Eitt sindur av báðum, sigur Jógvan Tróndarson, ið siglir sum skipari í Grønlandi.
Hvørja bók lesur tú beint nú?
- Yrkingasavnið eftir Jóanesi Nielsen, “Rakkaljóð”.
Hvørja bók ynskir tú tær í jólagávu?
- “Ikki fyrr enn tá” eftir Oddfríða Rasmussen.
Hevur tú nakra meining um dygdina í føroyskum bókum?
- Eg hugsi, at vit halda eina góða kós, sigur Jógvan Tróndarson, skipari.
