Mál, sum hava við landaøki at gera, eru størsta avbjóðingin í friðarsamráðingunum millum Ukraina og Russland.
Tað segði ukrainski forsetin, Volodymyr Zelensky, í dag á einum tíðindafundi í franska høvuðsstaðnum, París, har hann hitti franska forsetan, Emmanuel Macron.
Samstundis heitir Zelensky á sameindur hjá Ukraina um at tryggja, at Russland ikki fær løn fyri kríggið, sum Russland hevur byrjað. Tað veit Reuters at siga frá.
Ukrainski leiðarin segði á einum felags tíðindafundi við Macron, at hann vónar at kunna tosa við amerikanska forsetan, Donald Trump, tá serligi sendiharrin hjá Trump, Steve Witkoff, vitjar í Russlandi týsdagin.
Zelensky legði á tíðindafundinum dent á, at Ukraina raðfestir í friðarsamráðingunum at varðveita fullveldið og tryggja sterkar trygdarváttanir.
/Ritzau/
