Seinnapartin eru tveir dystir leiktir í Burn mansdeildini.
Klokkan 18 byrjar dysturin í høllini á Hálsi í Havn millum Kyndil og H71. Tá tann dysturin er leiktur er grundspælið leikt liðugt.
Í høllini á Skála vann StÍF greiðan 31-22 sigur á Team Klaksvík. Strandingar vóru frammanfyri 16-11 í steðginum.
Kasper Sommer og Pætur Ó. Barclay vóru toppskjúttar hjá StÍF við fimm málum hvør. Toppskjútti hjá Team Klaksvík við seks málum var Sámal á Tjaldraføtti.
Í høllini í Vestmanna vann VÍF slagið um Norðurstreymoy við 33-27 sigri á KÍF. Í steðginum vóru vestmenningar á odda 16-13.
Tróndur Johnson var toppskjútti hjá VÍF við sjey málum. Toppskjútti hjá KÍF við fýra málum var Hans Eli Sigurbjørnsson.
HER ber til at síggja dómaraseðilin frá HSF frá dystinum StÍF-Team Klaksvík 31-22 (16-11):
##med2##
HER ber til at síggja dómaraseðilin frá HSF frá dystinum VÍF-KÍF 33-27 (16-13):
##med3##
Støðan (hsf.fo) | Dystir | Vunnin mál | Tapt mál | Munur | Stig |
---|---|---|---|---|---|
VÍF | 18 | 585 | 487 | 98 | 28 |
H71 | 17 | 524 | 438 | 86 | 26 |
KYNDIL | 17 | 480 | 440 | 40 | 21 |
NEISTIN | 18 | 481 | 510 | -29 | 17 |
KÍF | 18 | 456 | 486 | -30 | 13 |
STÍF | 18 | 509 | 535 | -26 | 12 |
TEAM KLAKSVÍK | 18 | 437 | 576 | -139 | 7 |