BURN: Kyndil vann seinasta dystin í grundspælinum

So er grundspælið í Burn mansdeildini liðugt.

Seinasti dysturin í grundspælinum var leiktur í kvøld í høllini á Hálsi í Havn millum Kyndil og H71.

Tað eydnaðist Kyndli at vinna dystin 29-26. Í steðginum var Kyndil á odda 14-12.

Toppskjútti hjá Kyndli við níggju málum var William Skovsager. Bogi Hansen var toppskjútti hjá H71 við 10 málum.

VÍF og H71 fara beinleiðis til FM-hálvfinalurnar. Kyndil hevur heimadyst móti StíF í FM-fjórðingsfinaluni, og í hinari FM-fjórðingsfinaluni hevur Neistin heimadyst móti KÍF. 

HER ber til at síggja dómaraseðilin frá HSF:

##med2##