- Øll partrolarapørini uttan eitt eru til fiskiskap í løtuni, og skipini hava hampiligan fiskiskap. Nøkur pør koma inn at landa í næstu viku.
Hetta vita tey á Fiskamarknaði Føroya at siga í dag.
- Partrolararnir fáa ikki nógv av hvítfiski, men nakað fæst av hvítingi.
Um djúpvatnstrolararnar verður sagt, at tveir frystitrolarar eru til fiskiskap. Teir fiska svartkalva, blálongu og kongafisk.
- Jákup Sverri ger eisini yvirlitstrolingar á landgrunninum nú, so hann kemur inn við nakað av hýsu og toski.
Í løtuni eru fimm av teimum smáu trolbátunum norðanfyri. Teir fáa mest av hýsu og nakað av toski. Allir koma inn at landa í næstu viku.
- Tvey garnaskip fiska svartkalva, og tvey fiska havtasku. Skipini hava brúkiligan fiskiskap, og øll koma inn at landa í næstu viku, verður lagt aftrat.
