Fyrsta mál á skránni á býráðsfundinum hjá Tórshavnar býráð í dag er, at Gunvør Balle hevur biðið um farloyvi. Fyri hana skal nummar seks á listanum møta, Gunnar Djurhuus.
Tjóðveldi fekk tríggjar limir valdar í býráðið seinast. Síðani tá er Annika Olsen farin úr Fólkaflokkinum og upp í Tjóðveldi í Tórshavnar býráð. Tí hevur flokkurin fýra umboð. Men tá tað snýr seg um varafólk, telur Annika Olsen sum umboð á Fólkaflokslistanum.
Fyrstvaldi býráðslimur hjá Tjóðveldi er Elsa Berg. Hon er í farloyvi, tí hon er uttanlands í lestrarørindum. Fyri hana møtir Turið Horn, sum er fyrsta varafólk.
Gunnar Djurhuus hevur møtt einaferð á fundi í Tórshavnar býráð áður, so hetta er annar fundur hansara sum býráðslimur.
Elsa Berg, JákupDam og Gunvør Balle vórðu vald í býráðið fyri Tjóðveldi á seinasta býráðsvalið. Soleiðis fullu annars atkvøðurnar á listanum hjá Tjóðveldi:
1 Elsa Berg 520
2 Jákup Dam 376
3 Gunvør Balle 249
4 Turið Horn 245
5 Jón Kragesteen 212
6 Gunnar Djurhuus 210
7 Anja Hartmann Wardum 126
8 Ronnie Thomassen 120
9 Jóannes Guttesen 109
10 John Kruse Dalsgarð 97
11 Brandur í Dali 92
12 Jóhan Carl Dam 87
13 Bergdís Ester Gisladóttir 85
14 Katrin Einarsson Jacobæus 63
15 Snorri Patursson 51