SMS: Neistin hevur tryggjað sær annað plássið

Seinnapartin hevði H71 møguleikan á heimavølli at fáa spenning í kapprenningina um annað plássið í SMS-deildini, og harvið eitt beinleiðis pláss í FM-hálvfinalunum.

H71 við 25 stigum tók ímóti Neistanum við 28 stigum í Hoyvíkshøllini.

Men tað blivu neistakvinnur sum fóru við sigrinum. Neistin vann dystin 30-27, og tryggjaði sær harvið annað plássið í grundspælinum nú bert umfar er eftir at leika.

Neistin var á odda 14-12 í steðginum.

Inga Maria Joensen var toppskjútti hjá H71 við átta málum. Toppskjútti hjá Neistanum við 10 málum var Maria P. Nólsoy.

Í høllini á Eiði tók EB, ið hevur tryggjað sær sætta plássið, og harvið eitt pláss í FM-fjórðingsfinaluni móti grundspælsvinnarunum, Kyndli.

Kyndilskvinnur vunnu greitt 36-27. Í steðginum var Kyndil á odda 20-17.

Talita Alves var stórskjútti og skoraði meir enn helvtina av málinum hjá EB. Hon skoraði heili 16 mál í dag. Toppskjútti hjá Kyndli var Turið Arge Samuelsen við 12 málum.

HER ber til at síggja dómaraseðilin frá HSF frá dystinum H71-Neistin 27-30 (12-14):

##med2##

HER ber til at síggja dómaraseðilin frá HSF frá dystinum EB-Kyndil 27-36 (17-20):

##med3##