Sambært shippingfelagnum - Mitsui OSK - eru í minsta lagi 1000 tons av tungolju og diesel-olju likin í havið, síðan japanska skipið Wakashio, sum er skrásett í Panama, fór á land á frítíðaroynni, Mauritius.
Tað veit Reuters at siga í morgun.
Mitsui OSK sigur, at tað er í løtuni trupult at meta um, hvat oljuvanlukkan fer at kosta, og á Mauritius hava tey boðað frá einari umhvørviskreppu, síðan skipið fór at leka olju út í tað annars so krystalklára havið á leiðini.
Tað var hin 25. juli, at Wakashio fór á land við út við 4000 litrum av tungolju og diesel-olju umborð. Tað hava verið avbjóðingar við vánaligum veðri á leiðini, og sambært veðurforsagnum er eingin bati í veðrinum í dag heldur.
