12 fólk doyðu, tá ein bussur úr Póllandi fór út av vegnum í Kroatia tíðliga í morgun. Tað upplýsir stjórin í kroatiskar bjargingartænastu.
31 onnur fingu skaða, tá bussurin fór út av. Av teimum eru 18 álvarsliga skadd.
– Øll fólkini eru pólskir ríkisborgarar, tað kunnu vit nú vátta, sigur ein talsmaður fyri pólska uttanríkisráðið við pólskt sjónvarp.
Bussurin var fyri vanlukkunum í landnyrðingspartinum av Kroatia klokkan 5.40 í morgun. Hann var komin um markið til Kroatia úr Ungarn á veg til høvuðsstaðin Zagreb, sum er 60 kilometrar frá vanlukkustaðnum, skrivar tíðindastovan dpa.
Ferðafólkini í bussinum vóru átrúnaðarligir pílagrímar, sum vóru á veg til Bosnia. Har skuldu tey vitja ein katólskan halgidóm í syðra parti av landinum, sigur innanríkisráðharrin í Kroatia.
Løgregla og bjargingarfólk eru á staðnum og hava avbyrgt vegin, upplýsir kroatiska løgreglan fyri Reuters.
Kroatiskir myndugleikar í ferð við at kanna, hví bussurin fór út av vegnum.
Sambært kroatiskum sjónvarpið halda myndugleikarnir fyribils, at førarin er sovnaður handan róðrið.
Hendan bussvanlukkan er ikki tann fyrsta í Kroatia í summar.
Í juli doyðu 10 ferðafólk úr Kosovo, í eini bussvanlukku á einum motorvegi eystaliga í Kroatia.
Fleiri milliónir ferðafólk hava vitjað Kroatia og landsins longu strendur í ár. Talið av ferðafólkum er aftur á sama støði, sum fyri koronufarsóttina, hava kroatisku myndugleikarnir upplýst.
/ritzau/Reuters