Vertslandið, Sveis er útsligið í EM-endaspælinum í fótbólti hjá kvinnum.
Á Wankdorf leikvøllinum í Bern tapti Sveis 0-2 fyri verandi heimsmeistarunum, Spania.
Bæði Mariona Caldentey tíðliga í dystinum, og Alexia Putellas seint í dystinum brendu brotsspørk fyri Spania.
Athenea del Castillo og Claudia Pina skoraði málini hjá Spania miðskeiðis í seinna hálvleiki.
Spania hevði bóltin tað mesta av tíðini, og Sveis hevði ikki ein málmøguleika innanfyri málrammurnar. So talan var um ein uppibornan sigur.
Spania møtir í hálvfinaluni vinnaranum av fjórðingsfinaluni millum Frakland og Spania, ið verður leikt á St. Jakob Park leikvøllinum í Basel.
Í hinari hálvfinaluni møtast Italia og Ongland.
Spania-Sveis 2-0 (0-0)
1-0 Athenea del Castillo ('66 )
2-0 Claudia Pina ('71 )
