Seinastu dagarnar hevur løgreglan í Suðuroy gjørt nógv burtur úr at kanna ferðsluna við skúlarnar í oynni.
Eitt, tey serliga hava kannað, er, um børnini, sum verða koyrd í skúla, sita í trygdarbelti.
Men á hesum øki stóð ikki væl til í Suðuroy.
Jaspur Vang, sýslumaður í Suðuroy, sigur, at í síðstu viku vórðu sjey bilførarar skrivaðir upp fyri at hava børn í bilinum, uttan at tey sótu í trygdarbelti
Bara í morgun vórðu fimm bilførarar afturat tiknir fyri at hava børn í bilinum, uttan at tey sótu í trygdarbelti - og teir vórðu allir tiknir við sama skúla.
At hava børn undir 15 ár í bilinum, uttan at tey sita í trygdarbelti, kostar bilføraranum klipp í koyrikortið og 500 krónur í bót.
