Yvir 400 rapportir vórðu skrivaðir um bilar, har alt ikki var í lagi. Løgreglan upplýsir, at talan til samans var um 1.951 akfør, sum vóru kannað. Til samans vórðu 400 rapportir skrivaðar undir kanningini, og fevndu hesar millum annað um hesi lógarbrot: 212 sótu ikki í trygdarbelti, hjá 50 vóru ljósini ikki í lagi, 87 førarar høvdu ikki koyrikortið uppi á sær, og hjá 15 bilum vóru dekkini ikki í lagi. Til samans vórðu bøtur skrivaðar fyri 127.570 kr.
