Føroyska manslandsliðið í hondbólti hevur gott og væl ongan møguleika móti Ukraina í EM-undankappingardystinum, ið verður leiktur seinnapartin klokkan 15.30.
Hetta eru 17 altjóða veddingarfyritøkur, ið lata odds uppá dystin púra samdar um. Hægstu oddsini uppá ukrainskan heimasigur eru 1,05. Summar veddingarfyritøkur lata bara 1,01 í oddsum uppá ukrainskan heimasigur.
Oddsini uppá føroyskan útisigur sveiggja millum 12 og 20. Oddsini uppá javnleik sveiggja millum 17 og 34.
Seinast liðini møttust í Royal Arena í Keypmannahavn 13. apríl í 2019 vóru ukrainar sera hepnir at vinna 27-26. Heimadystin tríggjar dagar frammanundan vunnu ukrainar tó trygt 30-19.
Hondbóltsfrásøgumaðurin hjá FM1, Sjúrður H. Hoydal fer aftaná tíðindasendingina klokkan 15 at hava eina øðrvísi frásøgn av EM-undankappingardystinum millum Ukraina og Føroyar. Saman við sær hevur Sjúrður bæði Hjalta Mohr Jacobsen og Andrias Eriksen sum viðmerkjarar.
Her eru oddsini uppá EM-undankappingardystin millum Ukraina og Føroyar:
