Úrslitið er áljóðandi 259 milliónir krónur eftir skatt, og hevur samtakið eina eginogn á 902 milliónir krónur við árslok 2010.
Aðalfundurin samtykti at gjalda út vinningsbýti upp á 3,91 krónur fyri hvørt partabrævið, svarandi til DKK 191 milliónir í alt.
Aðalfundurin samtykti eisini, at teir nevndarlimirnir, sum stóðu fyri vali vóru afturvaldir í eitt 2 ára skeið. Teir vóru Rúni M. Hansen, Annika Frederiksberg og Odd Eliasen. Rúni M. Hansen varð valdur at halda fram sum nevndarformaður. Hinir nevndarlirnir eru Johannes Jensen, Virgar Dahl og Trine Sæther Romuld.
Í valnevndina stóðu Hans Jacobsen, Tummas Eliasen og Bergur Poulsen fyri vali og vóru teir afturvaldir í eitt 2 ára skeið.
Harafturat varð samtykt, at nevndin í Bakkafrost fekk heimild til, vegna felagið, at keypa upp til 10% í egnum partabrøvum og at hækka partapening felagsins við upp til 4.800.000 partabrøvum nominelt.
