24 fólk á sláturvirkinum hjá Bakkafrosti í Kollafirði vórðu uppsøgd í gjár.
Tað váttar Regin Jacobsen, stjóri á Bakkafrosti.
Hann sigur, at hetta er tengt at virkseminum í Kollafirði.
- Virkið í Kollafirði hevur bara eina uppgávu í løtuni, og tað er at slakta fyri Marine Harvest. Teir fara ikki at taka fisk aftur fyrr enn seinni í vár, og tí mugu starvsfólkini sigast upp, nú eingin laksur er at slakta, sigur Regin Jacobsen.
Regin Jacobsen sigur, at nú verða ikki fleiri uppsagnir í virkinum komandi tíðina.
Virksemi hjá Bakkafrost er alt flutt inn á Glyvrar og virki í Kollafirði tekur sær tí einans av at slakta laks fyri Marine Harvest.
