Seinasta samdøgur vóru 283 nýggir covid-19 smittutilburðir staðfestir í Noregi. Tað eru 43 færri enn dagin fyri og 142 tilburðir færri enn fríggjadagin í seinastu viku.
Seinastu sjey dagarnar eru tilsamans 1.871 smittutilburðir staðfestir í landinum.
Samlaða talið av smittaðum í Noregi er nú komið upp á 68.107, og tilsamans eru 3,6 miljónir koronu-kanningar gjørdar kring um í Noregi.
278.379 fólk í landinum hava nú fingið fyrru koppseting, og 93.251 hava fingið seinnu.
Í dag liggja 76 fólk á norskum sjúkrahúsum við koronu, og hetta eru fýra fólk fleiri enn í gjár.
Í Noregi eru 607 fólk deyð við koronu. 63,8 prosent av teimum deyðu vóru 80 ár og eldri. Í aldursbólkinum yngri enn 50 ár eru fráboðanir komnar um tilsamans níggju deyðsføll.
