NSÍ skrivar soleiðis í kvøld:
NSÍ hevur skrivað sáttmála við serbiska leikaran Nikola Kovacevic. Sáttmálin við 31 ára gamla verjuleikaran er galdandi fyri kappingarárið 2026.
Nikola er uppvaksin í serbiskum fótbólti, har hann hevur leikt við fleiri feløgum í bestu serbisku deildini. Harumframt hevur hann seinastu árini leikt í bestu deildunum í Montenegro, Lettlandi, Lybia og Indonesia.
192 cm høgi serbin fer at styrkja um verjupartin hjá NSÍ. Nikola er sterkur í luftini, kroppsterkur og er dugnaligur at lesa spælið.
Vit í NSÍ ynskja Nikola hjartaliga vælkomnan í felagið, og vit gleða okkum at síggja nýggja leikaran í eyðkendu gulu blusuni við Løkin! Nikola verður ynskt alt tað besta í komandi kappingarári.
