Í samband við at fýra menn í summar klintraðu upp á 313 metrar høga Trøllkonufingur, hava teir gjørt ein film, sum kókar tann 47,5 tímar langa klintritúrinum niður í góðar tríggjar minuttir (sí niðanfyri).
Tað var tann 6. og 7. juli, at teir fýra, John Petersen, Jóhannus Hansen, Pætur Jørðdal Niclasen og Bergur Mikladal, klintraðu upp á gátuføra fingurin, sum rísur omanfyri 300 metrar upp úr Norðuratlantshavinum.
- Sum nakað nýtt varpaðu vit myndir út á internetið meðan vit klintraðu í samstarvi við Vodafone. Túrurin tók áleið 47,5 tímar, har vit yvirnáttaðu uppi á Ovaraskaði, 260 metrar uppi.
