Fyri einari viku síðani bar ikki til at rógva kapp í Klaksvík. Koronan var orsøk til, at norðoyastevnan varð avlýst, og at fyrsti FM kappróðurin í fyrstu atløgu var útsettur. Nær hann verður, og hvar hann verður er ikki avgjørt enn.
Fjarðastevnan, sum í ár skuldi vera á Skála, er avlýst, men tað verður FM kappróður á Skála, og luttøkan er óvanliga stór.
Á vegum og í tunlum hava nógvir bilar og vognar nú í morgun og út á dagin kós ímóti vestara armi á Skálafjørðinum og Skála.
110 bátsmanningar fara í dag at kappast í fyrsta FM kappróðrinum. Rógvararnir tátta í at vera 800. Heilt nevyt eru tað 792 rógvarar, sum í dag fara at kappast á Skálafjørðinum. Burtursæð frá rógvarum og hjálparfólkum siga koronatilmælini, at kappingin verður uttan áskoðarar.
Farið verður undir barnaróðurin klokkan 12.30 og hinar róðrarnar klokkan 15. Síðsti róðurin – tann millum 5-mannafør við dreingjum – er settur at vera klokkan 17.40.
Líkindini at rógva kapp á Skála í dag eru góð. Eitt lítið lot er út eftir fjørðinum, og harvið verður tað róð ímóti rákinum. Tað verður turt, sólin sær, og hitastigini vera níggju.
Barnaróðrarnir verða stroymaðir á facebookvanganum hjá Skála Róðrarfelag, og hinir róðrarnar ber tað til at fylgja á heimasíðuni hjá Kringvarpinum.
Flaggtíð | |||
Kl. 12.30 |
Barnaróður gentur riðil 1 |
11 |
77 |
Kl. 12.45 |
Barnaróður gentur riðil 2 |
10 |
70 |
Kl. 13.15 |
Barnaróður dreingir riðil 1 |
13 |
91 |
Kl. 13.30 |
Barnaróður dreingir riðil 2 |
12 |
84 |
Kl. 14.15 |
Barnaróður gentur finala |
10 | |
Kl. 14.45 |
Barnaróður dreingir finala |
10 | |
Kl. 15.10 |
6-mannafør kvinnur |
5 |
35 |
Kl. 15.50 |
5-mannafør kvinnur |
13 |
91 |
Kl. 16.05 |
6-mannafør menn |
9 |
63 |
Kl. 16.45 |
5-mannafør gentur |
15 |
105 |
Kl. 17.05 |
8-mannafør |
5 |
45 |
Kl. 17.20 |
10-mannafør |
3 |
33 |
Kl. 17.40 |
5-mannafør dreingir |
14 |
98 |