Hóast tað er staðfest, at teir flyta niður í triðbestu deildina, so megnaðu Áki Egilsnes og liðfelagarnir í EHV Aue at hava eitt framúr gott avrik í tí seinasta heimadystinum í aðru bundesligu á hesum sinni.
Aue vann ein greiðan 38-31 sigur á Emdetten. Í steðginum var Aue á odda 20-16.
Áki skoraði bert eitt mál í kvøld, men hann legði upp til trý onnur mál hjá Aue.
Seinastu dysturin hjá Aue í aðru bundesligu á hesum sinni verður á útivølli 11. juni. Tá spælir Aue móti Dessauer.
Graml hoyrist um, at Áki fer at royna seg í donskum hondbólti komandi kappingarár, men tað er ikki staðfest enn.