Ann Andreasen vann í kvøld heiðurslønina Årets Ildsjæl hjá donsku tónleikaútvarpsrásini P2.
Ann Andreasen hevur síðani miðskeiðis í áttatiárunum arbeitt á Barnaheiminum í Ummannaq í grønlandi, har hon hevur verið fyristøðufólk í næstan 30 ár.
Útvarpsrásin hjá DR við klassiskum tónleiki, P2, heiðrar »Årets Ildsjæl« fyri sjeyndu ferð í ár.
Og her er tað fyristøðufólkið á Barnaheiminum í Ummannaq, Ann Andreasen, varð tilnevnd at fáa virðislønina.
Sambært Danmarks Radio er grundgevingin fyri at lata Ann Andreasen virðislønina millum annað, at hon hevur gjøgnum tey seinastu um 20 árini í størri mun latið tónleik verða berandi í einum stórum parti av tí sosialpedagogiska arbeiðinum við børninum á barnaheiminum – líka frá klassiskum tónleiki til ta siðbundnu grønlendsku trummuna.
Í dag spæla at kalla øll børnini á barnaheiminum upp á eitt ella fleiri ljóðfør.
– Sosialu førleikarnir hjá børnunum verða styrktir gjøgnum samanspaælið við onnur, og harvið eisini kenslu teirra fyri sær sjálvum, varð sagt í tilnevningini frá Jonnu Færø, musikpedagogi og Conni Gregersen, sálarfrøðingi.
Hini tilnevndu vóru Anne-Kari Ferenczi og Janne Thomsen. P2 virðislønini sum »Årets Ildsjæl« verður handað á eini P2 virðislønarkonsert úr Musikkens Hus í Aalborg.
