Ann Dahl Hansen byrjaði í avloysarastarvi í Suðurstreymoyar Eystara Prestagjaldi í vár, og heldur nú fram í hesum starvinum árið út. Orsøkin til hetta er, at presturin, sum hon var avloysari fyri - Marjun Lómaklett - hevur sagt seg úr starvi frá 31. juli at rokna.
Í Suðurstreymoyar eystara prestagjaldi eru tríggir sóknarprestar. Harafturat
er sjúkrahúspresturin 10% sóknarprestur. Tað triðja sóknarprestastarvið varð
upprunaliga skipað sum hjálp hjá dómpróstinum, ið hevur fyrisitingarligar
uppgávur.
Ann hevur síðani 1. apríl røkt hetta triðja starvið, meðan Marjun Lómaklett
hevur havt farloyvi. Marjun hevur nú sagt seg úr starvi, og tess vegna verður starvstíðin hjá Ann í samráð við kirkjuráðini longd hetta árið
út, verður sagt úr Bispagarðinum.
