Seinasti dysturin í Premier League í dag var á Anfield, har Liverpool vann 4-0 sigur á Arsenal. Sadio Mané, Mohamed Salah, Diogo Jota og Takumi Minamino skoraðu málini.
Mest umtalaða støðan í dystinum var tá venjarin hjá Arsenal, Mikel Arteta, østi seg inn á venjaran hjá Liverpool, Jurgen Klopp, eftir eitt fríspark. Tá var støðan 0-0 og lagið var einki serligt á Anfield. Men við samanstoytinum á venjarabonkinum kom lív í.
Liverpool setti ferðina upp og Sadio Mané legði fyri, við at stúta eitt frísparksinnlegg í mál. Í seinna hálvleiki økti fyrst Diogo Jota, eftir feilavlerering frá gestunum. Síðani økti Mohamed Salah eftir eitt framúr skjótálop, sum endaði við at Sadio Mané legði bóltin innfyri til Mohamed Salah.
Innskiftið Takumi Minamino setti punktum, tá Trent Alexander-Arnold eftir fríspæling frá Mohamed Salah kundi spæla japanska landsliðsspælaran púra leysan. Aftur var talan um gott skjótálop.
Arsenal hálaði nú í hondbremsuna og steðgaði bløðingini. Um tað ikki var fyri málverjan hjá Arsenal, Aaron Ramsdale, so kundi sigurin hjá Liverpool verið enn størri.
| 1 | Chelsea | 12 | 9 | 2 | 1 | 30:4 | 29 |
| 2 | Liverpool | 12 | 7 | 4 | 1 | 35:11 | 25 |
| 3 | Man City | 11 | 7 | 2 | 2 | 22:6 | 23 |
| 4 | West Ham | 12 | 7 | 2 | 3 | 23:14 | 23 |
| 5 | Arsenal | 12 | 6 | 2 | 4 | 13:17 | 20 |
| 6 | Wolves | 12 | 6 | 1 | 5 | 12:12 | 19 |
| 7 | Man Utd | 12 | 5 | 2 | 5 | 20:21 | 17 |
| 8 | Brighton | 12 | 4 | 5 | 3 | 12:14 | 17 |
| 9 | Crystal Palace | 12 | 3 | 7 | 2 | 18:17 | 16 |
| 10 | Tottenham | 11 | 5 | 1 | 5 | 9:16 | 16 |
| 11 | Everton | 11 | 4 | 3 | 4 | 16:16 | 15 |
| 12 | Leicester | 12 | 4 | 3 | 5 | 16:21 | 15 |
| 13 | Southampton | 12 | 3 | 5 | 4 | 11:14 | 14 |
| 14 | Brentford | 12 | 3 | 4 | 5 | 16:17 | 13 |
| 15 | Aston Villa | 12 | 4 | 1 | 7 | 16:20 | 13 |
| 16 | Watford | 12 | 4 | 1 | 7 | 16:20 | 13 |
| 17 | Leeds | 11 | 2 | 5 | 4 | 11:18 | 11 |
| 18 | Burnley | 12 | 1 | 6 | 5 | 14:20 | 9 |
| 19 | Norwich City | 12 | 2 | 2 | 8 | 7:27 | 8 |
| 20 | Newcastle | 12 | 0 | 6 | 6 | 15:27 | 6 |
