Fyrsti dysturin í 23. umfari í næstbestu deildini var í gjárkvøldið. Talan var um grannauppgerð í høvuðsstaðnum. Undrið FFm var í Gundadali gestur hjá B36, og vertirnir vunnu øll stigini. Eftir málleysan fyrra hálvleik endaði tað 3-0 til heimaliðið.
Sjey minuttir eftir steðgin setti 16 ára gamli Mattias Hellisdal hol á. Hetta var triðju ferð, at hann var málskjútti í næstbestu deildini. Níggju minuttir seinni økti 19 ára gamli Sámal Jákup Jacobsen um munin til 2-0. Hetta var aðru ferð í ár, at hann var málskjútti í næstbestu deildini. Og í tíðini, sum dómarin legði aftrat, var tað veteranurin Alex Mellemgaard, sum staðfesti 3-0 sigurin.
Sigurin ber við sær, at B36 hevur 24 stig fyri 23 dystir. B36 er á áttanda plássi, og tað eru níggju stig aftur til NSÍ, sum er undir strikuni við 15 stigum. NSÍ hevur spælt ein dyst færri enn B36. Hinir dystirnir í 23. umfari vera í kvøld og í morgin.
B36 – Undrið FF 3-0 (0-0)
1-0: Mattias J. Hellisdal 52.
2-0: Sámal Jákup Jacobsen 61.
3-0: Alex Mellemgaaard 93.
Dómari: Rani A. Skaalum
Í dag
07 Vestur – Víkingur: Bjarki Danielsen kl. 18.30
HB – ÍF: Árni Brandsson Petersen kl. 19.00
B71 – NSÍ: Petur Reinert kl. 19.15
Í morgin
TB – KÍ: Jón Tór Baldvinsson kl. 17.30
Støðan
| TB | 22 | 16 | 3 | 3 | 64 | 28 | 51 |
| ÍF | 22 | 15 | 4 | 3 | 47 | 27 | 49 |
| Víkingur | 22 | 12 | 4 | 6 | 59 | 37 | 40 |
| B71 | 22 | 11 | 4 | 7 | 41 | 28 | 37 |
| Undrið FF | 23 | 11 | 3 | 9 | 40 | 35 | 36 |
| KÍ | 22 | 11 | 1 | 10 | 49 | 39 | 34 |
| HB | 22 | 8 | 3 | 11 | 37 | 47 | 27 |
| B36 | 23 | 6 | 6 | 11 | 39 | 49 | 24 |
| NSÍ | 22 | 3 | 6 | 13 | 29 | 73 | 15 |
| 07 Vestur | 22 | 0 | 2 | 20 | 20 | 64 | 2 |
