Fyri knappliga tveimum mánaðum síðani var tað óvæntað, tá ið B71 á heimavølli vann 4-1 ímóti B68.
Í dag hevði B68 vitjan av B71, og nú royndist tað betri hjá toftamonnum, sum vunnu 3-0.
Esmar P. Clementsen setti hol á ein minutt undan steðginum, og í seinna hálvleiki skoraði Búi í Hjøllum tvey mál. Tað fyrra átjan minuttir undan leikloki, og tað seinna fimm minuttir undan leikloki.
B68 úrtøkan tríggjar tær seinastu ferðirnar er sjey stig. Nú er B68 á fimta plássi við seytjan stigum – eitt frammanfyri B71, sum í dag tapti fyrstu ferð síðani 11. mai.
B71 eigur útsettan heimadyst ímóti KÍ. Orsaka av veðri góvust teir 21. mai. Enn er tað ikki avgjørt, nær hann verður spældur.
