Ukrainski forsetin, Volodymyr Zelenskyj, sigur, at ukrainski herurin stríðist eitt pínufult og trupult stríð í Donbas-regiónini.
- Eg ynski at koma við einari serstakari heilsan til okkara herfólk um mót, styrki og úthaldni, sum hesi vísa í stríðnum í Donbas.
Soleiðis segði ukrainski forsetin í sínari video-talu í gjárkvøldið.
Donbas-regiónin har eysturi í Ukraina fevnir um fylkini, Luhansk og Donetsk, og tað er her, at eitt nú nógv umrøddi býurin, Bakhmut, liggur.
Býurin, sum áður hevði stívliga 70.000 íbúgvar, liggur í stóran mun í knúsi. Russar hava í fleiri mánaðir roynt at tikið býin.
- Eg takki herinum, vaktarfólki og marknaðfólki, sum hava vart okkara støðir í Bakhmut og í býunum, Vuhledar, Avdijivka, Siversk, Svatove, Lyman og Zaporizjzja, segði forsetin í sínari talu.
Tað er tíðindastovan NTB, sum ber hesi tíðindi.
