Ungu badmintonleikararnir smassjaðu seg til 10 gull og 16 silvur í altjóða kappingini Reykjavík International Games um vikuskiftið. Umframt at seta nýtt met í talinum á heiðursmerkjum, var ein føroyingur fyrstu ferð kosin sum besti spælarin í kappingini. Bartal Poulsen fekk hendan heiðurin frá íslendska forsetanum.
Føroysku leikararnir vóru við í 51 hálvfinalum í kappingini. Tá ið hesar vóru lidnar, høvdu tey vunnið sær pláss í 19 finalum - fleiri av hesum høvdu føroyskar leikarar báðumegin netið.
Tá ið avtornaði, høvdu føroysku leikararnir vunnið 10 gull og 16 silvur, sum eru seks fleiri enn síðsta ár. Og hetta hevur verið gongdin seinastu árini - føroysku badmintonleikararnir gerast hvørt ár sterkari og sterkari og kunnu nú kappast á jøvnum føti við íslendingarnar.
- Vit síggja nú, at okkara miðvísa ungdómsarbeiði við úrvalsvenjingum, sum landsliðsvenjarin hevur staðið fyri, hevur verið rætta avgerðin. Og vit klára betri at halda fast í leikarunum og framhaldandi menna tey og hækka støðið, sigur formaðurin í Badmintonsambandi Føroyum, Erik Engelbrecht Thomsen.
Fyri fyrstu ferð varð eisini ein føroyskur badmintonleikari heiðraður sum besti leikari. Bartal Poulsen úr VÍF fekk virðisløn handaða av forseta Íslands Guðni Th. Jóhannesson til galla-døgurðan, sum varð hildin í Laugardagshøllini sunnukvøldið.
Her er yvirlit yvir, hvussu heiðursmerkini blivu deild:
U13
Einmansleikur - dreingir
Gull - Silas Jacobsen KBF
Silvur - Nóa Eyðsteinsson MBF
Einmansleikur - gentur
Gull - Adhya Nandi HBF
Silvur - Bjarnhild í Buð Justinussen KBF
Einmansleikur - gentur - B-bólkur
Silvur - Erla Johannessen KBF
Tvímansleikur - dreingir
Silvur - Trygvi Weihe/Nóa Eyðsteinsson MBF
Tvímansleikur - gentur
Gull - Adhya Nandi HBF/Bjarnhild í Buð Justinussen KBF
Silvur - Ranja Joensen/Oddbjørg í Buð Justinussen KBF
Blandaður tvímansleikur
Gull - Bjarnhild í Buð Justinussen/Silas Jacobsen KBF
U15
Einmansleikur - dreingir
Gull - Ari Nandi HBF
Silvur - Rúni Øster HBF
Einmansleikur - gentur
Silvur - Lena Maria Joensen KBF
Einmansleikur - dreingir - B-bólkur
Gull - Regin Gleðisheyg ÍF
Silvur - Rasmus Berg Petersen HBF
Einmansleikur - gentur - B-bólkur
Silvur - Ingibjørg Muller KBF
Tvímansleikur - gentur
Gull - Lena Maria Joensen KBF/Miriam í Grótinum HBF
Tvímansleikur - dreingir
Silvur - Tórur Paulason/Kristian Matras Simonsen HBF
Blandaður tvímansleikur
Gull - Ari Nandy/Adhya Nandi HBF
Silvur - Rúni Øster/Miriam í Grótinum HBF
U17
Einmansleikur - dreingir - B-bólkur
Gull - Árant á Mýrini MBF
Silvur - Jónfinnur Hansen HBF
Tvímansleikur - gentur
Gull - Sissal Thomsen HBF/Mona Rasmusdóttir ÍF
U19
Einmansleikur - dreingir
Gull - Bartal Poulsen VÍF
Tvímansleikur - dreingir
Silvur - Bartal Poulsen VÍF/Rani í Bø KBF
Tvímansleikur - gentur
Silvur - Jóhanna Osberg Højsted/Femja Jacobsen KBF
Blandaður tvímansleikur
Gull - Bartal Poulsen VÍF/Emelie Norberg
