Í gjár, hósdagin 14.07.12, fylti Bent á Lava 60 ár. Bent vaks upp í Jónas Broncksgøtu í Havn. Foreldrini vóru Jákup Tauser á Lava og Elisabeth á Lava. Bent misti bæði foreldrini, fyrst mammuna og síðani pápan, í heilt ungum árum. Eftir at mamman doyði bleiv pápin giftur við Minnu, sum Bent vaks upp hjá, eftir at pápin doyði. Bent er yngstur av fimm beiggjum har tríggir eru eftir á lívi.
Í 1970 fór Bent at arbeiða hjá Balslev, sum tá var niðri á keiini. Í 1993 bleiv hann stjóri, og røkir hann hetta starvið enn. Bent gongur høgt upp í sítt arbeiði og hevur øll hesi árini veitt Balsev eina holla og trúgva tænastu.
1974 giftist Bent við Gunnvør, sum er ættað úr Øravík. Saman eiga tey sonin, Jákup á Lava, sum býr og arbeiðir niðri í Danmark, og dóttrina, Alma á Lava, sum er lesandi her heima í Føroyum. Bent hevur ein abbason, sum bleiv føddur í 2006. Hann eitur Villiam.
Tá ið børnini vóru smá, var Bent nógv við familjuni uttanlands og ferðaðist. Tað var bæði sommerland, húsvognar og smáttur, sum settu dám á summarið í útlondum. Bent gekk altíð undan, soleiðis at tað var trygt hjá børnunum at kasta seg út í avbjóðingarnar.
Bent er ein virkin maður. Umframt arbeiði sítt og familju sína hevur hann fleiri frítíðarítriv. Millum annað spælir hann badminton um vetrarnar. Ein ítróttagrein, sum hann hevur íðkað, síðani hann var ungur, har hann bæði hevur vunnið heiðursmerkir og føroyameistaraheitir.
Um summarið er Bent næstan hvørja fríløtu úti í frísku luftini, har friðurin valdar. Honum dámar væl at fara út á fjørðin við bátinum, og er fongurin mangan komin væl við hjá børnunum og abbasoninum. Hevur hann frí og er heima, er hann ofta at síggja úti í væl røkta havanum, har hann altíð er í holtur við onkra nýggja verkætlan.
Fótbóltsfelagið B36 stendur hjarta Bents nær. Nærum hvønn sunnudag hevur hann stuðlað besta liðnum hjá B36, bæði tá ið tað hevur gingið væl og illa.
So, at enda vilja vit ynskja tær til lukku við degnum og takka tær, babba, fyri alt, tú hevur verið og ert fyri okkum. Bæði tær góðu og sváru løturnar, ið vit møta á lívsins leið. Tú hevur verið við til at ment okkum til tey menniskju, vit eru í dag. Takk fyri.
Vinarliga
---
Jákup og Alma við familju
