Tórshavnar kommuna bjóðar nú øki á Miðhorni út til íbúðar bygging og sethúsa- og raðhúsabygging.
Talan er um tvey øki, annað til íbúðir og hitt til sethús og raðhús.
– Talan er um 7000 m2 á matr. nr. 1160a til at stykkja út til sethús ella raðhús og aðrar 5700 m2 til at byggja og umsita leiguíbúðir, sigur Tórshavnar kommuna.
Miðhorn liggur millum Norðastahorn og Millum horna og skal eftir ætlan virka sum millumliður millum býlingarnar.
Tilboð at keypa lendi skulu latast kommununi í seinasta lagi 4. desember, sigur Tórshavnar kommuna.
##med2##
