Tað gongur støðugt fram á hjá enska felagnum Blackpool, sum spælir í triðbestu ensku fótbóltsdeildini. Ein av spælarunum í felagnum er fyrrverandi føroyski landsliðsspælarin Claus Bech Jørgensen. Leygardagin spældi Blackpool á útivølli ímóti Scunthorpe, og Blackpool vann dystin 3-1. Claus Bech Jørgensen var eykamaður, men spældi við seinasta korterið, tá ið Blackpool skoraði sítt seinasta mál. Blackpool er nú komið fram á áttanda pláss í deildini, har 24 lið spæla við.
