Tónleikur
Í samstarvi millum gaffa.dk, mymusic.dk og SPOT verða allar konsertirnar á SPOT-Festivalinum ummældar. Meðan Budam fær eitt framúrskarandi ummæli og fimm av seks møguligum stjørnum, so eru ummælini av Eivør og Boys In A Band minni jalig, og bæði nøvnini fáa tríggjar av seks stjørnum. Maria Guttesen spældi á eini felagsskonsert, sum somuleiðis fekk tríggjar av seks stjørnum, men Maria varð ikki nevnd við einum orði. Øll ummælini liggja á spotfestival.dk.
At hoyra porno
Budam ella Búi Dam verður lýstur, sum ein stórur karismatiskur sangari úr Føroyum, ið tók yvir ein lítlan pall við manér. Serliga røddin, ið var djúp og forførandi og hansara evnir at framføra síni løg, sum lítlar sjónleikir, verða tikin fram í ummælinum. Men eisini frálíki tónleikurin, sum bólkurin leggur sum grund undir rødd hansara, fær jalig orð.
Budam er kendur fyri sínar sterku tekstir, og hesir hava eisii talað til Anju Fjølleslev, ið ummældi konsertina fyri Gaffa. Um lagið Do That Thing, skrivar hon: ”Introen, flere mellemstykker og outroen bestod af stærke vejrtrækninger, som mindede om vindens susen og havets brusen. Ved nærmere nærlytning af teksten kunne disse vejrtrækningseffekter dog også tolkes som noget helt andet. Hvis jeg nævner en linje i teksten, som publikum i øvrigt omtalte bagefter, som om at de havde ”hørt porno”, er jeg sikker på, alle forstår, hvad jeg mener. Budam sang: ”I’ll paint your body with my loaded cream machine”. Dette er ikke det eneste eksempel under koncerten på Budams udfordrende tekstunivers.”
Ummælarin endar við at ynskja sær, at Budam skjótt aftur verður at hoyra í Danmark, tí tað hevur tónleikurin uppiborið.
Fólk rýmdi frá Eivør
Á SPOT-Festivalinum spældi Eivør saman við írska bólkinum, ið hon skal á pall saman við á G!Festivalinum, og skulu vit trúgva ummælaranum Mikkel Elbech, kann hetta gerast ein langdrigin uppliving.
Ummælarin skrivar, at Eivør kom á pall ein hálvan tíma seinkað, men hóast hetta vóru áskoðararnir spentir, og karmarnir tyktust fullkomnir til konsertina.
Men longu eftir byrjanini við løgunum Human Child og Do Not Weep, tyntist álvarsliga út í áskoðarafjøldini, og sum konsertin fráleið rýmdu sambært ummælaranum alt fleiri fólk, og hann sigur, at tað somuleiðis gjørdist greitt hví. Tí á SPOT-festivalin, ið leggur dent á tað nýskapandi og áhugaverda tykist Eivør malplasera.
Hann heldur fram: ”Med tekster, der handler om træer, snefnug og solskin, er der dømt floskel-fest til den store guldmedalje, og langt det meste af tiden er koncerten en noget banal og ordinær affære. Musikalsk set er der ingen elementer, som ikke fås i bedre udgaver andetsteds.
Niðurstøðan tá konsertin endar eftir 38 minuttir, er sambært ummælaranum, at hesir kendust sum munandi longri tíð. Tá fleiri av áskoðarunum klappa hana útaftur á pallin, bjargaði eykalagið tó nakað av konsertupplivingini.: ”Endelig kommer der et nummer, der både er hævet lidt i tempo i forhold til resten, og som også lader Eivør bruge sin stemme til andet end kedelig skønsang. Hun vrænger og skriger og improviserer, og det løfter koncerten op på det niveau, hvor den hele tiden burde have ligget. En rigtig god bonus, der gør, at man går væsentligt gladere fra salen, end de, der forduftede allerede efter halvandet nummer.”
Peppaðir kovboyarar
Mest hypaði bólkur á føroyska tónleikapallinum í løtuni er Boys In A Band. Bólkurin fór á pall sum fyrsti bólkur leygardagin stutt eftir miðdag. Teir fóru á pall í Officersteltilnum framman fyri eini áskoðarafjøld, ið ikki var heilt vaknað enn, sigur ummælarin Anja Fjølleslev. Boys In A Band fáa rós fyri at vera somikið væl upplagdir: “Energien fra hele bandet var intens, og deres koncert bar ikke præg af, at klokken var to om eftermiddagen. De performede alt, hvad de kunne fra start til slut. Desværre var det svært at få meget ud af teksterne, fordi vokalen druknede i larm, og forsøg på at trænge igennem synes umulig, og som en bevidst del af udtrykket. Så på sin vis gjorde det knap så meget med teksterne, for melodierne og indpakningen gav publikum et godt indblik i et talentfuldt band godt på vej.”
Sum heild er ummælið jaligt, hóast trummuspælið verður mett at vera eitt sindur ov monotont, og mest snúgva seg um ein larmandi High Hat. Lagið Before The Flow verður tikið fram sum tað besta og mest fjølbroytta hjá bólkinum.
Í stóran mun snýr ummælið seg um, at bólkurin sigur seg spæla kovboyrokk, og um hann veruliga ger tað, og hvørji kovboyelemtini í tónleikinum eru.
Einki um Mariu
Innan fyri karmarnar á Spot festivalinum var skipað fyri verkætlanini Nordic Cowriters, her hittust 12 tónlistafólk og skrivaðu í pørum sangir saman hesa vikuna á Englesholm Højskole, har tey ikki vórðu órógvaði av umheiminum. Úrslitið av hesum samstørvum var framført á Nordic Cowriter konsertini. Í ummælinum av endakonsertini verður Maria ikki nevnd við einum orði.
Ummælarin tyktist ikki tikin á bóli av upplivingini: “Måske balladerne ligger lige for, når musikalske talenter der aldrig er mødtes, mødes ... og kun har fire dage sammen. Det kan også være en fælles forståelse af den nordiske Jantelov: lad være med at skrive det simple fede hit, det kunne jo være at du blev kendt.”
Ummælarin endar við at koma við einum ráði: “...opfordringen må være at tematisere næste års Cowriter-session til noget i retning af ”Don’t take it that seriuosly”.”
