Høvuðssendarin á Húsareyni virkar ikki í løtuni, og tí hoyrist útvarpið ikki á FM í stórum pørtum av landinum. Nakrir fáir sendarar hava linjusamaband. Eitt nú FM 96.5, sum hoyrist í høvuðsstaðnum. Eisini hoyrist útvarpið á millumbylgju og á heimasíðuni hjá Kringvarpinum.
Fólk frá Føroya Tele eru í ferð við at umvæla brekið, skrivar Kringvarp Føroya á heimasíðu sínari.
