Tað er Norðoya Sparikassi, sum saman við Klaksvíkar kommunu, ið skipar fyri.
Jógvan Waagstein varð føddur í Klaksvík, sonur Samuel Michael Joensen, lærari og deknur úr Gerðum í Klaksvík og Mariu Fredrikku, f. Olsen av Toftanesi í Leirvík. Hon var ein mentað og gudrøkin kvinna. Fleiri eru tey, ið siga, at listagávur Waagsteins eru arvaðar av Toftanesi.
Jógvan Waagstein var giftur við Elsebeth Súsannu, f. Dahl úr Vági.
Jógvan Waagstein var ein fjølbroyttur listamaður. Umframt sítt lívsstarv sum lærari tókst Waagstein við nógv ymiskt mentanarligt arbeiði, millum annað var hann nótauppteknari, komponistur, listamálari og urguleikari í Havnar kirkju.
Hann stóð í mong ár fyri Havnar Fimleikafelag og stjórnaði eisini Havnar Sangfelag. Ímillum løgini, hann hevur gjørt, kunnu nevnast: »Í búri«, »Tíðin rennur sum streymur í á«, »Hann rann sær kátur« og »Ein skortlitt kúgv við garðalið«.
Jógvan Waagstein var eisini ein virkin listamálari. Motivini eru tey allarflestu landsløg og bygdaløg í Føroyum. Hann hevur m.a. málað altartalvurnar í Árnafirði, Mikladali og í Hovi.
Norðoya Sparikassi og Klaksvíkar kommuna vilja við tiltaki, sum fer fram fríggjadagin 31. mai kl. 16, heiðra hesum mentamanninum, Jógvan Waagstein.
##med2##
SKRÁ fyri hátíðarløtu - JÓGVAN WAAGSTEIN 140 ÁR Í 2019
Dagur: Fríggjadagur 31. mai 2019 kl. 16.00 - 17.30
Stað: Miðhøllin á Skúlatrøð
Vertur: Dávur Winther, mentanarleiðari í Klaksvíkar Kommunu
Signhild V. Johannesen, forkvinna í mentarnevndini, bjóðar vælkomin
Kirkjukórið í Christianskirkjuni syngur “Dimmið” - Lag: Jógvan Waagstein
Andras Sólstein, savnsleiðari, sigur frá um Waagstein
Tónlistaskúlin spælir “Tíðin rennur sum streymur í á”, við klassiskum ljóðførum.
Gulla Øregaard, abbadóttir Waagstein, fortelur um abba sín, Jógvan Waagstein
17 Sangarar, "Vár við lýggjum vindi" - Lag: Jógvan Waagstein
Alex Sólstein, fyrrverandi skúlastjóri, hugleiðir um løtur saman við Jógvan Waagstein
Ingibjørg Hansen og Magni Husgaard, “Í búri”- Lag: Jógvan Waagstein
Marner Mortensen, stjóri í Norðoya Sparikassa tekur samanum og bjóðar yvir í býarlundina
Stað: Býarlundin, við minnisvarðan
Alex Sólstein, Andras Sólstein og limir úr Klaksvíkar hornorkestri spæla “Signaða sól”
- Lag: Jógvan Waagstein
Gulla Øregaard avdúkar bringumyndina av Jógvan Waagstein
Felagssagur "Tíðin rennur um streymur í á" - Lag: Jógvan Waagstein
Norðoya Sparikassi bjóðar kaffi og okkurt afturvið – um veðrið ikki er til vildar, verður boðið kaffi í torg 4 framman fyri skúlakøkin.
@font-face { font-family: "Cambria Math"; }@font-face { font-family: "Calibri"; }p.MsoNormal, li.MsoNormal, div.MsoNormal { margin: 0cm 0cm 8pt; line-height: 107%; font-size: 11pt; font-family: "Calibri", sans-serif; }.MsoChpDefault { font-size: 11pt; font-family: "Calibri", sans-serif; }.MsoPapDefault { margin-bottom: 8pt; line-height: 107%; }div.WordSection1 { }
