Tað hevur ikki gingist væl hjá Newcastle síðani Alan Pardew fór til Crystal Palace og John Carver tók við sum venjari. Liðið hevur nú tapt átta dystir á rað og er einans tvey stig frá niðurflytingarstrikuni.
Hóast stóra trýstið á John Carver, so boðar leiðslan í dag frá, at hann verður verandi venjari restina av kappingarárinum. Tað var eftir ein fund ímillum partarnar á middegi í dag, at felagið boðaði frá hesum í tíðindaskrivi.
Newcastle hevur tríggjar dystir eftir at spæla hetta kappingarárið. Teir eru ímóti West Bromwich, Queens Park Rangers og West Ham.
