Danmark vann 1-0 á Norðurírlandi í Parkini í Keypmannahavn í dysti í EM-undankappingarbólki H.
Sigursmálið skoraði Jonas Wind stutt aftaná steðgin, tá hann gagnnýtti eitt mistak hjá norðurírsku verjuni.
Meir enn tríggjar minuttir inni í tíðini dómarin hevði lagt aftrat fegnaðust norðurírar og teirra 1.700 áskoðarar, tá 18 ára gamli West Ham United leikarin, Callum Marshall javnaði til 1-1.
Men so kom VAR upp í leikin. Dómarin hevði samband við VAR-rúmið í heilar fýra minuttir áðrenn dómarin fall: talan var um rangstøðu tá bólturin var sendur inn í danska brotsteigin.
Minuttirnir, ið vóru lagdir aftrat blivu heilir 12 í tali áðrenn bríkslað var á seinasta sinni.
Donsku miðlarnir og donsku leikararnir viðganga, at Danmark var sera heppið at fáa øll trý stigini í kvøld.
Í sama bólki vann Finnland við málum frá Joel Pohjanpalo og Antman 2-0 (1-0) á Slovenia á heimavølli. Kasakstan vann á útivølli 3-0 (1-0) á San Marino.
Danmark, Finnland, Slovenia og Kasakstan hava øll seks stig fyri tríggjar dystir. Norðurírland hevur trý stig og San Marino er aftast við ongum stigi í undanbólki H.
##med2##
