Á aðalfundinum hjá Føroya Tele í dag fer Johan Dahl at afturvelja allar nevndarlimirnar. Formaður er Klaus Pedersen, sum eisini er stjóri í DSB, almenna danska jarnbreytarfelagnum.
Tað er greitt, at eingin broyting verður í nevndini í Føroya Tele, sum skal veljast á aðalfundinum í dag. Tað váttar Johan Dahl, landsstýrismaður, sum umboðar allan partapeningin á aðalfundinum.
Nevndarformaður í Føroya Tele er Klaus Pedersen, sum er fyribilsstjóri í DSB, eftir at stjórin herfyri varð frákoyrdur. Hetta verður triðja skeiðið hjá honum í nevndini.
Hini í nevndini eru:
Johannus Egholm Hansen, sum er næstformaður
Fanny Petersen
Eyðhild Skaalum
Starvsfólkavald umboð er:
Jónhild Rasmussen
Ulla Sutherland Stenberg
Stjóri er Kristian Reinert Davidsen
