Tórshavnar kommuna mælir í dag til at kóka drekkivatnið í Hoyvík og Kollafirði.
- Í teimum 22 vatnroyndunum, sum vórðu tiknar í kommununi í gjár, var ein e-coli bakteria staðfest á Vegnum Langa í Hoyvík og ein á Langasandi í Kollafirði.
Mælt verður tískil til at kóka vatnið í Hoyvík, Kollafirði, Oyrareingjum og Signabø, áðrenn drukkið verður.
- Umsýn av vatninum verða tikin í dag, og úrslitini verða tøk í morgin. Tilmælið um at kóka drekkivatnið stendur við, til nærri boð verða givin, siga tey í Tórshavnar kommunu.
Um heimasíðuna hjá kommununi - torshavn.fo - sæst kort yvir dálkaða økið í Hoyvík.
