EBS/Skála eigur nú tvær greipur

Í góðveðrinum seinnapartin varð tað staðfest, sum longu týskvøldið varð veruleiki. EBS/Skála er føroyameistari í kvinnufótbólti.

Meistararnir endaðu sera sannførandi, tá ið tær vunnu 7-0 á Svangaskarði ímóti B68.

EBS/Skála vann síðst í august steypakappingina, og í dag tryggjaði liðið sær greipuna. Hetta er annað árið á rað, at EBS/Skála vinnur greipuna.

Margunn Lindholm skoraði sigursmálið í steypafinaluni. Hetta var tiltikna málið, sum ferðaðist kring allan heimin. Týskvøldið skoraði hon sigursmálið, tá ið EBS/Skála við 1-0 sigri á Skála ímóti KÍ so at siga tryggjaði sær FM heitið.

Margunn sigur seg vita, hvør uppskriftin er upp á at vinna greipuna einaferð og so einaferð aftrat:

-Tað er stríðsviljin og samanhaldið. Vit hava arbeitt ein fyri allar og allar fyri eina, og tað hevur borið úrslit við sær, sum vit stórliga fegnast um, sigur Margunn Lindholm.

Í Klaksvík endaði tað 1-1 millum KÍ og HB. HB vinnur silvur, og KÍ endaði á bronsuplássi.

Í Sarpugerði vann B36 3-1 ímóti ÍF/Víkingi. Tað ber við sær, at tær í B36 lyfta seg framum aftur B68.

http://www.in.fo/myndasavn/album/?tx_yag_pi1

KÍ – HB 1-1 (1-0)

1-0: Evy á Lakjuni 30.

1-1: Julia Naomi Mortensen 75.

B68 – EBS/Skála 0-7 (0-3)

0-1: Durita Hummeland 15.

0-2: Margunn Lindholm 17.

0-3: Durita Hummeland 19.

0-4: Durita Hummeland 66.

0-5: Ansy Sevdal Jacobsen 72.

0-6: Íðunn Magnussen 84.

0-7: Margunn Lindholm br 87. 

ÍF/Víkingur – B36 1-3 (0-1)

0-1: Elisabet Vang 15.

0-2: Armgarð undir Leitinum 62.

1-2: Marta Sólheim Thomsen 82.

 1-3: Bára S. Magnussen 90.