Lars Løkke Rasmsussen vísir á, at allir teir 179 fólkatingslimirnir eru fólkatingslimir á sama støði og við somu ábyrgd.
– Øll hava somu ábyrgd – eisini at gera av, hvør skal vera forsætisráðharri í Danmark, sigur hann.
Sjúrður Skaale, sum er fólkatingsmaður fyri Javnaðarflokkin, vildi hava vita, um forsætisráðharrin er komin til Føroya at føra valstríð, at fáa føroyingar at velja Sambandsflokkin og Fólkaflokkin – og kanska Tjóðveldi við, sum hevur sagt seg vilja samráðast um, hvør skal vera forsætisráharri. Og um hann harvið eisini vil ávirka føroyingar til ikki at velja Javnaðarflokkin.
– Eg vil fegin halda fram sum forsætisráðharri. Tí vil eg fegin, at føroyingar og grønlendingar – og fyri eisini danir – velja flokkar, sum vilja, at eg skal halda fram sum forsætisráðharri.
Venstre heldur í løtuni alennan kjakfund í Østrøm í Havn.
