Trio í røttum umhvørvi
Tað vóru slagarar úr The Real Book - bíbliu jazzleikarans - sum ljómaðu inni í lítlu dansistovuni. Stovan hóskaði væl til sovorðnan café jazz, og tað var stundum, tú gloymdi, at tú vart í Norðurlandahúsinum og ikki í onkrum jazzklubba. Hesa kensluna saknar man eitt sindur sum jazzelskari á festivalinum. Jazzurin hevur røtur og hoyrir til í tí lítla skýmliga klubbanum, har hann kann fylla alt rúmið, og tónleikararnir hava tætt samband við áhoyraran. Ein trio er eftir mínum tykki er tann ideella jazzmanningin, og hon kemur har av álvara til sín rætt.
Føroyskir slagarar
Men bróðurparturin av skránni hjá JazzOasis var faktiskt sjálvgjørd løg. Teir høvdu allir tríggir skrivað løg, og tey vóru knasandi góð. Serliga væl dámdi mær jazzútsetingina av lagnum hjá Ega Dam ?Selatrað 8. juli?, sum Herluf hevði gjørt.
Høvuðsskoðsmálið til teirra er, at tað swingaði. Tey hava skilliga vant nógv, tí bæði byrjan og endi á øllum løgum sótu væl, men tað skal sanniliga eisini nógv venjing til at fáa tað at swinga, sum tað gjørdi her.
