Eitt, sum sæð var fram ímóti við spenningi – serliga uttan fyri flokkin – var, um nakar fór at stilla upp móti Jørgen Niclasen til formansvalið.
Á fundinum seinast varð gjørt av at stilla Anniku Olsen upp móti sitandi formanni, serliga við teirri grundgeving, at Annika hevði hølvað Jørgen Niclasen av í tveimum fylgjandi valum innan fyri góðan mánað.
Jørgen Niclasen hevur ført fram, valini til Fólkatingið og til Løgtingið ikki var eitt val um formansskapin í Fólkaflokkinum, men tað eru ikki øll, ið eru samd í hesum.
Men hvussu er og ikki, so fór landsfundurin leygardagin á Tekniska skúla í Klaksvík fram í sátt og semju og í einum góðum anda.
Tveir fyrilestrar vóru á landsfundinum. Hans Kári Vang, búskaparfrøðingur, heldur fyrilestur við heitinum »Búskaparliga ávirkanin av flatskattinum«, og Heri Petersen, samfelagsfrøðingur, heldur fyrilestur við heitinum »Rúmligur arbeiðsmarknaður«.
