Í Kollafirði var dystur ímillum nummar fýra og nummar eitt í FTZ-deildini - KÍF og H71.
Tað er ógvuliga sjáldan, at nakað útilið vinnur í Kollafirði, og soleiðis var eiheldur í dag. Talan gjørdist um ein sera javnan dyst, har liðini vóru jøvn allan dystin á tamb. Tað blivu eisini skorað líka nógv mál í báðum hálvleikum, tí at endaliga úrslitið gjørdist 18-18 eftir hálvleiksstøðuna 9-9.
Av tí, at dysturin ímillum Neistan og VÍF eisini endaði við javnleiki, so stendur greitt, at frástøðan ímillum liðini í oddinum í FTZ-deildini undan hetta umfarið er óbroytt. Hon er nú hendan:
1. H71 - 29 stig
2. VÍF - 24 stig
3. Kyndil - 21 stig
4. KÍF - 20 stig
5. StÍF - 18 stig
6. Neistin - 14 stig
7. Team Klaksvík - 0 stig
Málskjúttarnir í dystinum í Kollafirði vóru hesir:
KÍF: Hans Eli Sigurbjørnsson 8, Fríði Weyhe 3, Teitur Joensen 3, Andrias Nielsen 2, Pætur Johannesen 1 og Ási Dam 1.
H71: Jónas Djurhuus 6, Tróndur Arge 4, Rúni Vest Højgaard 3, Peter Krogh 2, Mark Lausen-Marcher 1, Hans Kári Hansen 1, og Helgi Hoydal 1.
