Portugisiska fótbóltsstjørnan Diogo Jota hevur latið lív í einari ferðsluvanlukku. Tað skriva fleiri útlendskir miðlar í dag.
Diogo Jota spældi sum framherji hjá enska stórfelagnum Liverpool, og var eisini á landsliðnum hjá Portugal.
Ferðsluvanlukkan hendi sambært spanska miðlinum AS við markið millum Portugal og Spania í einum bili, sum Diego Jota koyrdi. Lítlibeiggi hansara var eisini í bilinum. Hetta hendi í nátt.
Deyðsfallið er ikki alment váttað, men spanski miðilin AS hevur frá keldum í politinum fingið váttað, at talan er um Diogo Jota og lítlabeiggja hansara, Andre.
Diogo Jota bleiv giftur í síðstu viku, og eftir sita sostatt kona hansara og teirra trý børn.
