Fyri føroyska landsliðsmálverjan, Gunnar Nielsen og familju hansara hevur talan verið um eina góða tið í Íslandi. Men ítróttarliga hevur tað verið misjavnt hjá Stjarnuni, sum hevur ein góðan endaspurt, men endar uttanfyri endastøðurnar, sum geva rætt til at spæla í Evropa komandi ár. Steypakappingin varð miseydnað, og í Champions League var upplivingin stór ímóti Celtic, men samlaða tapið heldur stórt.
Gunnar hevur enn ikki tikið endaliga støðu hvar hansara fótbóltsframtíð liggur.
TRÝST á PÍLIN undir MYNDINI, og hoyr samrøðu, sum Rás2 gjørdi við Gunnar Nielsen, har vit eisini spurdu Gunnar um komandi avbjóðingarnar hjá føroyska landsliðnum, har Ungarn og Rumenia standa fyri tørni.
