Í dag byrja vit eitt nýtt tíðarskeið í søguni hjá Javnaðardlokkinum við einum nýggjum ættarliði í fremstu røð. Tað staðfesti Jóannes Eidesgaard í síni seinastu formansrøðu í Javnaðarflokki.
Hetta kann tulkast sum um at hann styðja eitt av teimum yngru valevnunum til formansvalið eftir døgverða.
Hann segði, at í dag velur Javnaðarflokkurin ikki bara ein nýggjan formann.
- Vit skulu eisini velja valevnið floksins til eitt komandi løgmann, sum altso er okkara boð upp á næsta leiðara fyri okkara land.
Higartil hava oddafólkini í Javnaðarflokkinum verið úr Suðuroy, men nú fer stafettin norður um fjørð.
Jóannes Eidesgaard staðfesti, at ein floksformaður skal ikki bara vera væl lýddur í egnum flokki.
Tað er avgerðandi, at aðrir flokkar eisini hava álit á honum.
Hann ynskti næsta formanninum alt tað besta og hepna hond og hann lovaði at
brúka sína síðstu tíð í politikki at stuðla nýggja formanninum og flokkinum.
Hann ásannaði eisini, at veljarakanningarnar eru ikki blíðar við flokkin.
- Men tað fer at broytast tí vit hava alt at vinna og onki at missa, og trúgv mær: Tað fer at venda og tað skal bera til, segði Jóannes Eidesgaard.
